Champions League KNR-TV-kkut aallakaatinneqartassaaq
Champions Leaguemi, qallunaat Superligaanni nunarsuarmilu pissartanngorniunnerit taamaalillutik KNR-TV-kkut isiginnaarneqarsinnaalerput.
Ualeq manna Champions Leaguemi Aab-p Manchester United unammivaa, aqagulu kalaallinit nuannaartorineqarluartut Liverpoolimeersut PSV Eindhovenimut unammissapput.
Arsaannerit Kalaallit Nunaanni soqutigineqarluarnerat paasilluarlugu akisunaarpallaarnagu aallakaatinnissaat Viasat A/S-imiit akuersaarneqarpoq.
Isumaqatigiissut naapertorlugu arsaannerit 2008-mi 2009-milu ingerlanneqartussat KNR-TV-kkut aallakaatineqarsinnaassapput, tamatumalu kingorna isumaqatigiissut naliliiffigineqaqqissalluni.