CD "Nuup erinaa" saqqummerpoq

Nuummi nipilersorneq pillugu isumasioqatigiittoqarnerata kingunerisaanik CD nutaaq saqqummersinneqartussanngorpoq, Nuummi rockimik nipilersortartut ilaasa erinniarsuarnik misiliillutik erinniaannik imalik.
Allattoq Louise M. Kleemann
februaarip 20-at 2008 09:51

CD nutaaq taanna taaguuteqarpoq ”Nuup Erinaa” - Nuup Kommuniani Eqqumiitsuliornermut, Kulturimut Illuliortaatsimullu siunnersuisoqatigiit saqqummersitsinermi suliniuteqartuupput.

Nuummi rockimik nipilersortartut Chilly Friday-imi Simimmilu nipilersoqataasartut, erinarsortartoq Pilu Grønvold nipilersugarsuarnillu guitarertartoq, Knud Seblon erinnioqataapput. Agiartartoq Hanne Quist qarlortartartorlu Arnannguaq Gerstrøm erinnanik immiusseqataapput, nipilersortartut Danmarkimeersut Sverigimeersullu peqatigalugit. Nipilersukkat 2006-imi taalliorneqarlutillu erinniorneqarput, qallunaap nipilersortartup Svenn Skipper-ip aamma paattagiartuulluni immiusseqataasup isumasioqatigineqarneranni, nipilersortartullu nutaaliorneranni taamaalilluni ikiorserneqarput.

- CD suliaralugu pikkunaqaaq, inerneralu naammagisimaarlugulu tulluussimaarutigeqaarput, siunnersuisoqatigiinni siulittaasoq, Inge Olsvig Brandt, unnersiorpoq.

Nuummi borgmesterip Nikolaj Heinrichip CD nutaaq pisortatigoortumik tallimanngorpat ualikkut tigussavaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq