Castro Cubami oqartussaajunnaarallarpoq
Cubami præsidenti, 79-inik ukiulik, Fidel Castro, inalukkamigut aseruuttoorluni suliariterujussuaqqammerpoq.
Napparsimanermini nukki, Rául Castro, taartigigallaraa, Cubami naalakkersuisut ilisimatitsipput.
Fidel Castro, aggustip ulluisa 13-ianni 80-iliisussaq 1959-imi mumisitsineqarmalli Cubami oqartussalerpoq.
Nutaarsiassaq Cubamiunit qimarngusunit Floridami Miamimi najugallit nuannaarutigineqangaarpoq.
- Arriitsumik naalliungaarlunilu toqujartuaarnissaa kissaatigeqaarput, Cubamiuusimasoq, Lourdes Cambo, aviisimut The Miami Heraldimut, oqarpoq.
Nuannannersuaqarnerani inuit nipaarsaarnerulaaqqullugit Miamimi borgmesterip, Cubamiup, Carlos Alvarézip, kajumissaarpai.
- Sorusukkussi takanna, aatsaammi taama tusakkamik nuannertigisumik. Aqquserngulli qeqqani nuannanniaritsi, angallanneq assersoqinagu, Carlos Alvaréz aviisimi The Miami Heraldimi issuarneqarpoq.