Caroline Wozniacki China Open-imi pissartanngorpoq

Qallunaaq tennissertartoq Caroline Wozniacki qallunaani siullersaalluni nunarsuarmi normu 1-inngorpoq. Tamanna pivoq WTA-mi China Open-imi Petra Kvitova immikkoortuni marlunni unammereerlugu ajugaaffigigamiuk.

oktobarip 07-at 2010 10:55

Tennissimi normu 1-iunera tennissimi pitsaanerit allattorsimaffianni, ataasinngorpat tamanut saqqummiunneqassaaq.

Taamaalilluni qallunaat tennissernermi siullerpaamik timersuummi tassani pissartaqalerput, tamatumanilu Wozniackip Serena Williams maanna ajoquseqqasoq qaangerpaa, Serena Williams piffissami sivisuumi siuttuusimavoq ilaatigut Grand Slam-imi ukioq manna marloriarluni ajugaasarnini pissutigalugit.

Tennis pillugu immikkut ilisimasalik Peter Bastiansen ippassaq oqarpoq Wozniacki ajugaassagaluarpat qallunaat 1992-imi isikkamik arsaallutik EM-imi pissartanngornerannut sanillersuunneqarsinnaassasoq.

Wozniackip pissartanngornera Polenimi aamma tulluusimaarutaassaaq, tassami Caroline Wozniacki Danmarkimi inunngorpoq, Polenimiunilli angajoqqaaqarluni.

Caroline Wozniacki China Open-imi pissartanngorpoq

Aamma atuaruk