Carla Lucia Knakkergaard toquvoq
Kalaaleq atuakkiortoq Carla Lucia Knakkergaard 71-nik ukioqarluni toquvoq. Randers Amtsavis arfininngornermi taama allaaserisaqarpoq.
Allattoq Laura Aggernæs
juunip 09-at 2015 05:45
Carla Lucia Knakkergaard Qullissani inunngorpoq, arfineq marluinnarnillu ukioqarluni angajoqqaaveruppoq tuberkulosemik toqquteqarmata, taamaattumik qatanngutigiit qulingiluaasut sineriammut siaruarput.
Aamma atuaruk Meeraallutik misileraatitut atorneqartut BBC-p aallakaatitassialerai
Carl Lucia Knakkergaard arfineq pingasunillu ukioqarluni 1951-imi kalaaliaqqat 21-it allat peqatigalugit pinngitsaalisaallutik ilaquttaminnit Danmarkimut nuutsinneqarput. Taamani kalaaliaqqat misileraataallutik qallunaanngorsagassatut nuutsinneqarput, kalaaleqatiminit qummut isigineqalernissaat anguniagaasimalluni.
Carla Lucia Knakkergaardip uini, meeqqani marluk ernuttanilu sisamat qimatarai.