Carl Egede Bøggild professorinngortinneqarpoq
Artekip pisortaa, Carl Egede Bøggild, ullumikkut allamik atorfeqalerpoq. Danmarks Tekniske Universitetimimi Engineeringimi MSO-tut, Arctic Hydrology and Glaciologymut professorinngortinneqarpoq.
Allattoq Martine Lind Krebs, Simon Uldum
Erngup, sermip, silap pissusiisa allanngoriartorneri minnerunngitsumillu Sermersuup ukiuni makkunani aakkiartupiloornera pillugu annertuumik ilisimasaqarnerminut taamatut kusanartumik taaguuteqalerpoq. Carl Egede Bøggild ilisimatusarfigisani atorlugit sermip aakkiartorneranik siulittuutaasinnaasunik periusissiornissaminik anguniagaqarpoq.
Carl Egede Bøggild Danmarkimi DTU Bygimi atorfininnerminut atatillugu ullumi oqalugiaateqassaaq.