Caribiami anorersuaq inuit arlallit inunerannik naleqarpoq
Den Dominikanske Republik aamma Haiti anorersuarmit aqqusaarneqarmata inuit 50-it sinneqartut ajunaarput. Ajunaartut amerlanerit Haiti-mi najugaqarput, tassani bussit kuukkut ikaariarneranni ilaasut ajunaaramik.
Kiattup anorersua kimmut ingerlaarnermini Cuba aqqusaarpaa kingornalu avannamut Floridamut ingerlaalerluni.
Anorersuup ulussaarsuanngornissaa Florida-mi oqartussat naatsorsuutigaat, nalunaaquttap akunneranut 117 kilomerterinik sakkortussusilimmik anorersuassangatinneqarluni.
Takornariat Florida-miittut qimarngussuunneqarput, amerikamiullu sakkutuui Nationalgarden-imeersut 500-it piareersimatinneqarlutik, atuarfiillu arlallit ullumikkut matoqqatinneqarput.
Uuliasiorfiit Mexicop avataaniittut anorersuarmit aqqusaarneqarnissaat silasiortut ilimanngikkaluaraat, uuliasiorfinni sulisut arlallit nunaliaassuunneqarput.
