Canadami ukiup inuanik toqqaasoqartoq
Canadami naggueqatigut nunami oqaluttuarisaanerannut sunniuteqartutut nersugaasarnerat annertusiartorpoq. Maannami ukiup Inuattut toqqagaavoq Louie Kamookak, taassuma 1847-mi sullualummik ujaasisut tuluit ilisimatusarlutik umiarsuai marluk tammarnikunut nassaarnermut ikiutaasimasimamini toqqagaassutigaa.
Allattoq Marianne Stenbæk, Montreal, Canada
januaarip 26-at 2015 05:38
Nutserisoq Nauja Møller
Ukiut tallimat Canadap avannarpasissuata imartaata naqqani umiarsuit ujaarineqareersut Louie Kamookakip Gjoa Havenimeersup paasissutissiinerata kingorna septembarimi ukioq kingulleq nanineqarput. Paasissutissat taakku Louiep King William Islandimeersuniit piniartut utoqqartaanniit ukiorpassuarni katersarisimavai, taakku sullualuup qeqqata missaani najugaqartuupput.
Taamaaliorneratalu maanna ukiup inuattut toqqagaassutigaa, taannali nersoranaat Canadami aviisimiit Up Heremiit tunniunneqartarpoq.
