Canadami issippallaarnera pissutaalluni isarukitsut eqqunneqarput
Canadami illoqarfiit ilaanni Calgarymi uumasuusivik tamaani issippallaarnera pissutigalugu immikkuullarissumik iliuuseqartariaqarsimavoq, isarukitsummi issippallaarnera pissutigalugu illup iluanut eqqunneqartariaqarsimapput.
Allattoq Ritzau
Nutserisoq Mads Lynge
Isarukitsut issittumiinnissartik sungiusimagunaraluarpaat, pinerilli tamaasa taamaakkunanngilaq.
Amerika Avannarlermi piffissami kingullermi issittorujussuuvoq, Calgarymi aamma isseqaluni.
25-nik issittarsimavoq, isarukitsunullu tassa issippallaarsimalluni.
- Taama issitsigitillugu isarukitsut eqqarsaatigisariaqarpavut, ilaannili aamma silamiiginnartissinnaavavut, Larissa Mark, Calgarymi uumasuusivissuarmi tusagassiisartoq aviisimut The Independentimut oqarpoq.
Isarukitsut pineqartut Argentinap Chilellu kujasissortaanni nalinginnaasumik uumasuupput.