Canadap ministeriunera pisortatigoortumik utoqqatserpoq
Stephen Harper ilaatigut ima oqarpoq:
- Ullumikkut takusinnaavarput naggueqatigiit Inuit eqqillillu ajortorujussuarmik alianartumillu pineqartarsimasut. Taakkuami meeraat taamani nussortarpavut angajoqqaaviniit kulturianniillu qimarngullugit. Iliuuserisartakkavut kanngunartut pillugit Canadami naalakkersuisut sinnerlugit Inuit eqqillillu qamannga pisumik toqqatserfigivakka, Canadami ministeriuneq oqarpoq. Ministeriunerup pisortatigut utoqqatsernera, oqaluttuarisaanermi pingaaruteqarnerpaat ilaat TV-kkut nunani assigiinngitsuni takuneqarsinnaanngorlugu toqqaannartumik aallakaatinneqarpoq.
Ungasingitsukkut Australiami nunap inoqqaavi soorlu aamma ministeriunerminnit utoqqatserfigineqartut, maanna aamma Canadami inuit assigiinngitsunik nagguillit akornanni pissuserissaarneq naapertuilluarnerlu oqallisaasinnaalinnguatsiarput.