Canadap issittortaa tassaannaanngilaq nunap immikkoortua Nunavut

Canadap ministerinerata Harperip Nunavummi tikeraarnernermini nunap immikkoortuini naggueqatigiit inuit suliniaqatigiiffiini aqutsisut piffissaqarluarluni ataatsimeeqatigai, tamannalu iluarisimaarneqarpoq.

Mary Simon Inuit Tapiriit Kanatami præsidentip ministeriuneq nassuiaateqarfigaa eqqaamaqqullugulu, Canadami naggueqatigiit inuit najugaqarfigisaanni nunap immikkoortuini sisamaasuni najugaqarfigisaanni, Canadap issittortaani suliniuteqarnermi ilanngunneqartariaqartut, aningaasarsiornikkut ineriartortitsiviusumit Eqalunnit ungasissumi inissisimagaluartut, ingammik Inuvialuit aammalu Nunatsiavummiut, Eqalunnit ungasissumi inissisimagaluartut, Canadap issittortaaniittutut naatsorsuutigineqassammata. Mary Simon Canada-mi ilanngutassiortutsinnit Marianne Stenbækimit ippassaq oqaloqatigineqarluni ministeriunermik ataatsimeeqateqarsimanini nuannaarutigalugu oqaatigaa, naggueqatigiillu inuit nukittuut nunap issittortaaniittut illersorneqarnissaannik ministeriunerup oqaaseqarsimanera nuannaarutigalugu. Leona Aglukkaq Canadami peqqinnissamut ministeriusoq Nunavummilu inatsisartuni ilaasortaasoq ataatsimiinnermi peqataavoq. Naggueqatigiit Inuit najugaqarfigisaanni nunap immikkoortuini sisamaasuni suliniutinik piaartumik pilersaarusiortoqarnissaa pingaaruteqartutut oqaluuserineqarpoq, nualluut puulukit nualluutaannik taaguuteqartinneqartoq, inuiaqatigiinni ikittunik innuttaqartuni napparsimalissutigineqarsinnaammat.