Canadap avannarpasinnerusortaani aalisakkanik itsarsuarnisanik nassaartut
Canadami nunaqarfiit avannarpasinnersaata Grise Fiordip avannaata kitaani 150 km-inik ungasitsigisumi ilisimatuut aalisakkanik itsarsuarnisanik alutornarluinnartunik nassaarsimapput. Ilisimatuut USA-mi Drexel universitymeersut 2006-imiilli sumiiffimmi tassani aalisakkanik alutornarluinnartunik nassaartulerput, aalisakkallu taakku aalisagartuumasuupput.
Ilisimatuut 2011-mi aalisagaq nassaarisaat aatsaat atserneqaqqammerpoq. Taannalu canadami ilisimatuumut Martin Bergmanimit issittummi timmisartumik ajutoornermi ajunaartumut atsiunneqarpoq. Aalisagaq ateqarpoq Holoptychius bergmanni, meterilu sinnerlugu takitigaluni.
Soqutiginaatigaa ukiunik 375 millioninik pisoqaassuseqarami itsarsuarlu nungutaareersimallunilu, ilisimatuulli isumaqarput aalisagaq taanna niunikkiatorluni ineriartulersimasoq.