Canadamut kilisaatinik tulaqqusiunnaarneq Savalimmiormiut assuaraat
Jørgen Niclasen Canadami aviisimi Montreal Gazettemi apersorneqarnermini oqarpoq, Canadamut tulaqqusiunnaarnerup kinguneranik raajartassat ikilisinneqarnavianngitsut.
Canadap aalisarnermut ministeria, Gail Shea, isumaqarpoq aalisapilunnerusoq raajat 3100 tons kalaallinit savalimmiormiunillu pisarineqarsimammata. Nunat Atlantikup Avannaamioqatigiivisa Aalisarnermut Kattuffiannit, Nafomit, Kalaallit Nunaat Savalimmiullu 334 tonsiinnarnik pisassinnikuugaluarpaat.
Kalaallit Savalimmiormiullu kilisanneruniarlutik imminnut pisassissimapput. Isumaqaraanni pisassiissutit naapertuilluanngitsuusut, aalisarneq ingerlanneqarsinnaavoq killeqanngiusartumik. Taamaaliortoqarsinnaavoq Nafomi inatsisit malillugit.
- Akuersaarusunngilarput pisassiissutit ikippallaat uangutsinnut tunniunneqassappata. Aammalu Canadamiut piumasaat malissagipput naatsorsuutigineqassanngilaq, tassami Nafomi maleruaqqusat malillugit aalisarpugut. Taamaattumik, isaasalerlugu "nunat allamiut aalisapiluttunik" taagorneqassanngilagut, taamaaliunnginnattami Jørgen Niclasen aviisimi apersorneqarnermini naggasiivoq.
