Canadamiut sorsuutaat marluk issittup imartaanukarput

Canadami sakkutuut umiarsui sungiusartalermatali aatsaat siulerpaamik nunani issittup avannaani sungiusarneq ingerlanneqassaaq. Sungiusarneq taaguuserneqarsimavoq Operation Nanook, sungiusarnerlu aggustip 26-ata tungaanut ingerlassaaq, Nunavummilu tamanna ingerlanneqassalluni.
Allattoq Apollo Jeremiassen
aggustip 16-at 2010 09:30

Sungiusarneq sakkutuunut imarsuiortunut aamma silaannakkut sakkunik igeriuttakkanik sungiusarnerinnaassanngilaq aammali Canadap immamik nunamillu issittuniittunik piginnittuunini takutinniarlugu sungiusarneq ingerlatissavaa.

Umiarsuit sorsuutit Qaujuittuup, tassa Resolute Bay-ip tungaanut aallareersut løjtnant Justin Simmonsip CBC-mut oqaatigaa.

Qaujuittoq allorniusat sanimukartut 72-aniippoq, tassalu aatsaat taama avannarpasitsigisumut sakkutuut umiarsui ingerlaarput.

- Taama avannarpasitsigisumukarnerput sikusiortarnermik ilinniarfigisinnavarput, løjtnant Justin Simmons oqarpoq.

Operation Nanook-imut ilaapput saakkutuut amerikamiut aamma danskit sakkutuui, taakkulu saniatigut canadamiut sakkutuui 900-t peqqataallutik.

Canadami ilanngutassiortorput Marianne Stenbæk taama ilanngutassiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq