Canadami oqartussat uumasunik illersuiniaqatigiiffinnut sorsukkumallerput puisillu amii pillugit EU-mi politikerinut paasisitsiniaanialerlutik.
Puisit amiinik Canadameersunik Ruslandimeersunillu EU-mut eqqusseqqusiunnaarnissamik EU parlamenti aalajangereersorlu, Canadap aalisarnermut ministeria Loyola Hearn tuluit nunaanni tv-qarfissuarmut BBC-mut taama oqarpoq.
Loyola Hearn isumaqarpoq puisit amii pillugit EU-mi qinikkat uumasunik illersuiniaqatigiiffinnit kukkusumik ilisimatinneqarsimasut, soorluttaaq nunatta naalakkersuisui taama isumaqartut.
Qinikkat avammut paasisitsiniaanissaminnut piareersartariaqalersut Loyola Hearnip oqaatigaa.
Uumasunik illersuiniaqatigiiffik USA-meersoq, the Humane Society of the United States, isumaqarpoq paasisitsiniaaneq iluatsissimasoq, ajugaanissartillu ilimagigini:
- EU-p parlamentianni isumaqatissarsiornerput iluatsitsiffiusimavoq, Rebecca Aldworth, Canadap tv-qarfissuanut CBC News-imut oqarpoq.