Canadamiit Qalasersuaq avannarliliarniaq
Canadamiup sapiitsup silaannaap allanngoriartornera namminersuutigalugu iliuuseqarfiginialerpaa.
Canadamiup arnap Ann Bancroftip silaannaap allanngoriartornera ernummatigisimaqaa, taamaattumillu nunarsuarmi oqartussatut qullersat paasitinniarlugit nammineq periutsini atorlugu silaannaap allanngoriartornera akiornialersaarlugu.
Arnaq taanna aalajangersimavoq canadaminngaanniit sisoraatinik ujakkaarluni qalasersuaq avannarlermukarniarluni .
Ann Bancroft 850 kilometerisut isorartutigisukkut ujakkaarnissaminut ujakkaaqatissanilu norgemiu Liv Arnesen maanna piareersalereersimapput.
Oqaatigineqarporlu februaari naalerpat Ward Hunt Islandimiit ujakkaarlutik aallassasut.
Taakku ullut 50-t ingerlaarnissartik naatsorsuutigaat, utilerunillugooq umiarsuarlutik uterniarput.
Arnaq taanna 51-nik ukioqarsimavoq, issittullu pinngortitaanut tunngatillugu nalinginnaasuunani. Tassami 1986-imi allat ilagalugit aamma qalasersuaq avannarliareersimavoq.
Arnat taakku marluk ilinniartitsusutut ilinniagaqartuupput, taakkulugooq neriuutigaat qalasersuaq avannarliarnissartik meeqqanut inuusuttunullu ilinniartitsinerminnut iluaqutaajumaartoq. Taakku aamma qarasaasiami nittartagaliorsimapput, taamaalillutik ingerlaarnertik malinnaavigineqarsinnaaniassammat.
