Canadami sungaartumik aappaluaartumik ullumikkut ilulleqarfiusoq
Canadami ullumi ulloq, septembarip ulluisa 30-at tassaavoq "sungaartumik aappaluaartumik ilulleqarfiusoq".
Inuit amerlasuut nunap inoqqaavisa meerartaat eqqaaniarlugit sungaartumik aappaluaartumik ullormi tassani ilullilertarput, nunap inoqqaavisa meerartaat atuarfinni nerisaqarfiullutillu najugaqarfinni sumiginnagaallutillu atornerlunneqarsimasut eqqaaniarneqartarlutik.
Taamaammat Canadami inuit sungaartumik aappaluaartumik ilulleqarrapput.
AAMMA ATUARUK Canadami meeqqat eqqaaniarneqarput
Aanaajusup ernuttami atuarfimmut nerisaqarfiullunilu najugaqarfiusumut pinngitsaalisaassummik nuunneqarnerani ilullimik sungaartumik aappaluaartumik tunissuteqarnera eqqaaniarneqartarpoq.
Ilullip sungaartumik aappaluaartumik qalipaateqartoq ilaquttanut kulturerisamullu eqqaanartuunissaa aanaajusup neriuutigaa, meeqqalli ilullia atuarfimmut najugaqarfiusumut nuunnermi arsaarinnissutigineqarpoq.
Ilullit sungaartumik aappaluaartumik qalipaatillit saniatigut atuarfinnut nerisaqarfiullutillu najugaqarfiusuni pisimasunut eqqaaniutitut atorneqartarnerisa saniatigut, meeqqanut atuarfinniissimasunut aningasanik aamma katersisoqartarpoq.