Nunanit allanit

Canadami qimuttuitsut aqqutaat assersorneqaqqittut

Canadami milliardilikkaanik nalilimmik suliniuteqartoqartoqarpoq, tamannalu nunap inoqqaavisa kinguaavi taperserniarlugit qimuttuitsut aqqutaasa assersorneqarinik kinguneqarpoq.
Nunap inoqqaavisa Mohawkit kinguaavisa sinnersaasui qimuttuitsut aqqutaat assersukkat eqqaanni utaqqisut. (Toqqorsivimmit assi) Assi © : Carlos Osorio/Reuters/Ritzau Scanpix
Allattoq Ritzau
februaarip 26-at 2020 07:43
Nutserisoq Jaaku Lyberth

Canadami qimuttuitsut aqqutaassa assersorneqarnerat ulluni arlaqartuni unitsinneqarsimariarluni qimuttuitsut aqqutaasa ilaat assersorneqaqqipput.

Ontariup kujammut kangisinnerusortaani akerliussutsimik takutitsisut qulit qimuttuitsut aqqutaannik assersuisut politiinit peersinneqarput.

Qimuttuitsut biillillu aqqutaannik assersuit allat marlunngornermi unnukkut takuneqarput. Tamatumuuna qimuttuitsut aqqutaat motorvejilu asssersorneqarlutik.

Akerliussutsimik takutitisisoqarpoq, nunap inoqqaavisa kinguaavisa nunaanni British Columbiami gassip aqqutaanik sanaartortoqarniarmat.

Qimuttuitsut aqqutaannik assersuinerpassuit pissutigalugit, Canadami qimuttuitsuutileqatigiiffiup CN Rail-ip Canadap kangisinnerusortaani qimuttuitsunik angallassisarnini unitsissimavai.

Gassip aqqutaa 670 kilometerisut isorartortigisussap taassuma 28 procentia indianerit Wet´suwetit nunaat aqqusaarlugu sananiarneqarpoq.

Canadami nunap inoqqaavisa kinguaavi oqartussaasullu akornanni aporaattarnerit isumaqatigiinngittarnerillu ukiorpassuarni pipput, piffissamilu kingullermi ilungersunarnerulerlutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk