Canadami naggueqativut Inuit inuuinnarnissaq ullumi nalliuttorsiutigaat
Naggueqatigiimmi Inuit nunarsuarmioqatitta akornanni agguaqatigiisillugu imminnut toqullattaarnerpaajupput. Canadamimi naggueqativut Canadap innuttaasa sinnerinut sanilliutissagaanni imminut toquttarnerat aqqanileriaataavoq, naggueqaterpassuattalu inuusuttortaasa affaat 20-liinatilluunniit imminut toqullutik qimagutiaartarlutik.
Thomas Anguti Johnston, naggueqatitta Inuit inusuttaasa siunersuisoqatigiivini præsidentiusoq, kiisalu Terry Audla ITK-mi præsidentiusoq Canadamiut naalakkersuisuisa illorsuata silataani toqoreersimasut eqqaaniarlugit oqalugiassapput, allallu taamatu immunut toqunnginnissaat kaammattuutigineqassalluni.
Taamatut nalliuttorsiortarneq ukiut arfineq aappassaat ukioq manna ingerlanneqartussanngorpoq, inuunermillu nalliuttorsiorneq ukioq manna ”Neriunneq Qasujaatsuunerlu”-mik qulequtserneqarsimalluni.