Canadami naggueqatitta nannunniartarnertik ingerlatiinnassavaat

Naggueqativut Canadami sumiiffinnit arlalinneersut nannut pillugit naalakkersuisunikkut ataatsimeersuanermut, The International Forum on the Conservation of Polar Bears, Moskvami sapaatit-akunnerani uani ingerlanneqartumut peqataapput.

Allattoq Marianne Stenbæk, Montreal, Canada, Simon Uldum

decembarip 05-at 2013 07:26

Canadami naggueqativut aamma isumaqarput nannut nungutaanissamut ulorianartorsiortinneqanngitsut Canadamilu nannunniarneq piujuaannartitsinissamik tunngaveqartumik ingerlanneqartoq.

Terry Audlap, Inuit Canadami tamakkerlugu suliniaqatigiiffianni siulittaasup ataatsimiinnermi oqaatigaa piujuaannatitsinissamik tunngaveqartumik piniarneq pillugu suleqatigiinnissaq pingaaruteqatupilussuusoq suleqatigiinnermilu tassani Inuit ilisimasaat Inuillu pisinnaatitaaffii ataqqineqartariaqartut.

Aammattaaq oqaatigaa nunat suliniaqatigiiffiillu allat Inuit ilaquttaminnik pilersuiniarlutik aningaasarsiorsinnaanissamik kissaataat ataqqisariaqaraat aammalu ileqquusumik piujuaannatsinissamillu tunngaveqartumik inooriaaseqarnissamut piumasseqarnerat ataqqisariaqaraat, Terry Audla taama oqarpoq.

Canadami naggueqatitta nannunniartarnertik ingerlatiinnassavaat

Aamma atuaruk