Ilitsersuisup Benoît Pilonip filmiliaa ”The Necésities of Life”, “Inuunermi pingaarnerpaajutitat”-mik nutserneqarsinnaasoq, 1950-ikkunni pisimasuutinneqarpoq. Piniartoq Tivii, sakiallummat sanatoriumimut Québecimiittumut pilertortumik nuuttariaqalerpoq, tassanilu katsorsarneqartussanngorluni. Inooriaaseq mutiusoq allanarluinnartorlu tassani siumorpaa, oqaatsillu allat atorneqartut aamma siumorlugit. Nukappiararli naggueqatini sakialluttoq aamma naapippaa, marluullutillu imminnut ikorfartoqatigiilerput.
Filmi Canadap oqaluttuarisaanerani pingaarutilimmik takutitsivoq, pissutsillu assigiinngisitaartumik persuarsiunngitsumillu oqaluttuarineqarnerat nersualaarneqarluni, pingaartumillu Inuk isiginnaartitsisartoq, piniartutut inuttaasoq, Natar Ungalaaq, isornartorsiuisartut immikkuullarissutut maluginiarsimavaat. Natar Ungalaaq, filmimit akissarsisitaasimasumit ”The Fast Runner”-imi, “Atanarjuaq”-mi inuttaasimasutut nalunnginneqarpoq, isiginnaartitsillaqqinnerpaatullu akisarsisinneqarnissaa inupppassuit ippassaq ilimagisimagaluarpaat. Filmili, Grand Jurymik taasartagaannik, Montréalimi peqataasut nuannaarutigeqisaannik ippassaq akissarsisinneqarpoq.