Canadami naalakkersuisut issittumi suleriaasissartik saqqummiuppaat

Canadap issittoq pillugu polikkikkut suleriaasissaa nunanut allanut ministerip Lawrence Cannonip tallimanngormat saqqummiuppaa.

Politikkikkut suliniummi nutaami Canada, Kalaallit Nunaannik/Danmark-imik USA-mik Issittumilu siunnersuisoqatigiinnik, annertunerusumik suleqatigiinnissaat siunniunneqarpoq. Issittumi nunat soqatigineqarnerat aatsaat taamak annertutigaaq, nunanut allanut ministeri Lawrence Cannok tusagassiuutinut nalunaarummi taamatut oqarpoq. "Issittumi suut pingaarnerutillugit suliariniarnerigut erseqqissumik saqqummiunneqarnissaat pingaaruteqartorujussuuvoq, Canada Issittumi Siunnersuisoqatigiinni ukioq 2013-imi siulitttaasunngornissaanut piareersaratta", Lawrence Cannon nutaarsiassaqartitsiviup Nunatsiaq News nittartargaani taamatut issuarneqarpoq.

Canadap issittumi politikkikkut suliniummi nutaami pingaarnerutillugit suliassai tassaapput, nunamik oqartussaaneq, issittumi nungusaataanngitsumik ineriartorneq, ilisimatuussutsikkut suliat nutarterlugillu ineriartortinnissaat, inuiaqatigiinnguit peqqissumik ineriartortinneqarnissaat, aningaasarsiornikkut pitsaanerusumik aallaveqarnissaq aammalu aatsitassaarsiornikkut, uuliasiornikkut gassimillu qalluinissami isumannaallisaaneq ajunnginnerusoq anguniarneqarluni.

Canadami naalakkersuisut issittumi suliniummi nutaami, Canadami nunat inoqqaavisa inuusuttaasalu tamakkiisumik peqataatinneqarnissaat anguniarpaat