Canadami inatsisartut puisip neqitorsinnaalerput

Piniartunik tapersersuinertik, kusanartulianillu puisineersunik EU-p inerteqquteqarneranut akerliunertik, takutinniarlugu Canadami Inatsisartut qanormita iliunngillat? Maannami aalajangiunneqarpoq Inatsisartut neriniartarfianni, puisit neqaannik sassaalliisoqartalissasoq.

Politikerit nuimasut arlallit, soorlu Canadami general-guvernøri, ministeriuneq aamma nunanut allanut ministeri, pisortatatigoortumik pisoqaraangat, puisip neqaanik tinguanillu ooqanngitsunik nerisarput.Pisortatigoortumik pisoqaraangat taamaaliortarput, aviisini ullormut saqqummersartuni atugassanik assilitinniassagamik. Inatsisartunulli ilaasortat piumasut tamarmik maanna tassa puisip neqitorsinnaalerput. Canadami naggueqatigiit Inuit suliniaqatigiiffiat, Inuit Tapiriit Kanatami, tusagassiuutinut ullumi nalunaaruteqarluni oqarpoq, puisip neqaanik Inatsisartut sutorniartarfianni sassaalliisalerniarneq tikilluaqqunartoq, iluarinarlunilu.

Canadamili Inatsisartut, ministerit assigalugit, ooqanngitsumik puisip neqitorlutilluunniit tinguttortarnersut, oqaatigineqarsinnaanngikkallarpoq.