Canadami immikkut ilisimasallit: Canada nunani tamalaani akuuneruli

Silap allanngoriartornerata kingunerisaanik pissutsit allanngornerisa malitsigisanik Canadami naalakkersuisut Issittumi pissutsinut 2008-mi eqqumaniartupilussuupput. Tassami Sullualuk manna ukiup annersaani ikerasaqqunneqarsinnaavoq. Tamatuma kingunerisaanik issittup imartaani niuffagiutinik umiarsuaqarnerulissaaq, tamaanilu aatsitassanik piiaaneq aammalu uuliamik gassimillu qalluineq annerulissalluni.

Canadap soorunami aamma Isittumi oqartussaanini erseqqissarusuppaa. Naalakkersuisut apeqqutini tamakkunani Inuit suleqatigisarpaat, aammalu umiarsuarnik nakkutilliissutinik sikunillu aportaatinik sanassamaalerluni.

Kisianni tamakkua naammanngitsut, Canadami immikkut ilisimasallit oqarput. Canada nunani tamalaani annerujussuarmik akuusariaqarpoq, nunat allat, ingammik EU, Issittumi susoqartarnissaanik kisimik malittarisassaliussanngippata.

Issittumi avatangiisit pillugit malittarisassaliornissamik aammalu Issittumi aalisarnermi, nukissiuutinik ineriartortitsinermut kiisalu umiarsuit angallannerannut

Inatsisiliornissamik EU-mi oqallisilereerput.

Canadamiullu immikkut ilisimasallit aarleqqutigaat, Canada qanoq iliuuseqarianngitsoq, EU nunallu allat, soorlu USA, Issittumik atuinermut malittarisassiussasut. Immikkut ilisimasalliit, Waterloo Universitetimi professori, Ken Coates, tamakkununnga ilaalluni, oqarput, Canada nunani allanni oqallinnerni sakkortunerusumik pissuseqartariaqartoq, aammalu Issittoq pillugu isumaqatigiissutit nunanit tamalaanit peqataaffigineqartariaqartut taakkunanilu Inuit aamma ilaasariaqartut.