Assi: Ejner Mathiassen

Canadami illoqarfeeqqami puiserpassuit

Paggivittami illoqarfeeqqami Roddicktonimi innuttaasut naliginnaanngitsumik avatangiiseqalerput. Puisimmi ataatsimoortut avalaffissaarullutik sissamiipput - sikusimavormi.

Puisit ilaat oktobari naalersorli takkussuutilerput, sapaatip akunneratali siuliani 40-nit amerlanerusut illoqarfimmut illuarput.

Puisit Atlantikumut ungasinngitsumi, Paggivittap kangimut sineriaani, illoqarfeeqqami aqqusinerni maanna takussaapput.

Puisit maanna illoqarfimmi sumi tamaaniipput. Apummi qinngartakkami, biilit isaaffianni aqqusinernilu takussaallutik.

Puisit marluk biilinit aporneqareersimasut, Roddicktonimi borgmesterip CTV News-imut oqaatigaa. Taassumami puisit aqqusinerni apummi pulatersimasut biilertunit takuneqarpiarsinnaannginnerat ernumanartoqartippaa.

Puisit illoqarfimmi piniarneqarnissaat inerteqqutaammat innuttaasut qanoq iliornissanerlutik nalornissutigaat, taamaammallu oqartussat iliuuseqapallallutik qimagutitsinissaat neriuutigaat. Tassami sissamit imaanut 6-8 kilometerit tikillugit sikusimammat puisillu imaanut avalanneq ajuleqqapput.

Canadami aalisarnermut ministereqarfiup puisit qanoq nuutsinneqarsinnaanerat paasiniarpaa, taamaammat puiserpaalussuilli maannamut nammineertinneqarput.

Puisit ingerlariaqqinnaveeqqasut maannamut 40-t sinneqartut, CTV News tusagassiivoq.

Assilisat CBC Nunavummeersut ataani takuneqarsinnaapput:

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat