Canadami atorfilittat angalaartinneqalerput

Canadami inuit peqatigiiffiata, ”Inuit Tapiriit Kanatami”-k taaguutillip, aaqqissugaannik Canadami naalakkersuisut atorfilittaat 19-it Canadami avannarlermi sapaatip akunnerani uani angalaartinneqalerput.

Qaffasissumik atorfilittanik taamatut angalatitsinerup siunertaraa, atorfilittat takuniassammassuk Inuit inooriaasiisa qanorpiaq ittuuneranik takutitserusunneq.

Angalatitsisut taaguuteqartut ”Inuit Tapiriit Kanatami” tusagassiutinut oqarput, Canadami inuiit nunaqarfiisa qanoq ittuuneri atorfilittanut takutinnissaat, inuinnaallu naapitinnissaat siunertaasoq. Silaannaap kiatsikkiartornerata nassatai aamma takutinniarneqassapput, aammalu Inuit kulturiat, atuarfiit, napparsimmaviit aatsitassarsiornermilu qaarusuliat allallu inuussutissarsiutigineqartut takutinniarneqassapput.

Suliniaqatigiiffiup neriuutigaa atorfilittat takornariartinneqartussat 19-iusut pissarsilluarumaartut, sulinerminnullu atatillugu ministeriaqarfinnut uterunik atorsinnaasaminnik pissarsilluarumaartut.

Angalaneq Iqalunni tallimanngorpat naammassineqassaaq.