Canadami Aboriginal Day nalliuttorsiutigigaat

Nunatsinni inuiattut ullorsiornerput arfininngormat malunnartikkipput - Canadami nunap inoqqaavisa ulluat The Aboriginal Day malunnartinneqarpoq. Canadami inuiaat assigiinngitsorpassuit nalliuttorsiortarnerat ullunik aqqanilinnik sivisussuseqartartoq arfininngormat aallartinneqarpoq.
Allattoq Marianne Stenbæk, Montreal, Canada, Jaaku Lyberth
juunip 23-at 2014 05:16

Nunap inoqqaavisa ulloqartinneqarneri malunnartinneqareerpata - Franskit Canadamiittut Quebecimiittullu sapaatip-akunnerani matumani nalliuttorsiussapput kingornalu kulturikkut ullorsiornerit arlaqartut pissallutik, inuiaat assigiinngitsorpassuit Canadamut nunasisimasut juulip aallaqqaataa nallertinnagu nalliuttorsiutigineqassallutik - juulip aallaqqaataa tassaavoq Canadap ullua - Canadamiut tamarmik inuiattut ulluat.

Nunap inoqqaavisa ulloqartinneqartarnerat 1996-imi aallartippoq ukiullu tamaasa nalliuttorsiutigineqartarluni. Nalliuttorsiornerit, nipilersornerit qittannerillu kisimik aliikkusersuutigineqarneq ajorput kulturilli assigiinngitsorpassuit sammineqartarlutik.

Inuiaat assigiingitsut nerisassioriaasiat nalliuttorsiornermi pingaaruteqartunut ilaavoq, nalliuttorsiortoqartillugumi ataatsimoortorsuullutik nerrittarput. Nunaqarfinni illoqarfinnilu amerlanerni Inuialuit Nunaannit Nunatsiavut ilanngullugit aalisakkanik, mattannik, tuttut neqaannik nersussuullu Buffalop neqaannik sassaallertoqartarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq