Canada-p naalakkersuisuisa Belgia-miut oqaloqatiginialerpaat

Puisit amiinik Belgiamiut eqqussueqqusiunnaarniarnerat ,Canadamiut naalakkersuisuisa nunat tamalaat niueqatigiinnikkut suleqatigiiffiat WTO aqqutigalugu , Belgiamiut oqaloqatiginialerpaat. Canada-miut isumaqarput, Belgia-miut naalakkersuisuisa, nunat tamalaat niueqatigiinnikkut suleqatigiiffianni WTO-mi maleruagassat unioqqutikkaat. Canada-miut nunanut allanut tunngasunut nutaarsiassaleriffiat Embassy malillugu, Canada-miut Belgiamiunik naapitsinissaminnik kissaateqarsimapput.

Canadami naggueqatigiit Inuit, Belgia-miut puisit amiinik eqqusseqqusiunnaarniarlutik siunniussaqarniarnerat allanngortinniarlugu, Canada-mi naalakkersuisut qanoq iliuuseqarnerat nersualaarpaat.

Canada-mi Naalakkersuisut qisuariarnerat tunisassiatsinnillu tapersersuinerat naggueqatigiillu Inuit inooriaasitsinnik tapersersuinerat iluaraara,

Inuit Tapiriit Kanatami siulittaasuat Mary Simon oqarpoq.

Puisit amiinik Belgiamut eqqusseqqusinnginneq apriilip qaammataani atuutsinneqalerpoq, Holland-imiullu inerteqqummut assingusumik aalajangernikuupput, inerteqqullu qaammatip tulliani atuutilissaaq. Tyskland USA-ilu puisit amiinik eqqusseqqusiunnaarnissamik aamma piareersarput, Canada-mi naalakkersuisut nunanut allanut tunngasunut nutaarsiassaqartitsiviat Embassy allappoq.