Canada nutaamik generalguvernøritaartoq
Julie Payette generalguvernøritut ukiuni tulliuttuni sisamani sulisussatut toqqarneqarpoq.
Canadami generalguvernørinngortoq Dronningip Elisabethimut tullersortaavoq taamaalilluni nunami qullersatut pingaarutilittut sinniisunngorpoq.
Candami inatsisartuni Julie Payettep ivertinneqarnermini oqaatigaa, nunat inoqqaavini saammaateqatigiinnissaq pingaarnertut sulissutigissallugu.
- Inuiaqatigiinni atugarissaanitsinnut qitornattalu siunnissaat eqqarsaatigalugit Tamanna iluatsittariaqarpoq, Payette oqarpoq.
Nunat inoqqaavini saammaateqatigiinnissamut suliniuteqarnissaq pillugu Payette oqalugiarpoq, oqalugiarninilu tamakkingajallugu indianerisut oqalugiarmat tamanit tupaallaatigineqarpoq.
Canadami indianerit høvdingiat, Perry Bellegarde ivertitsisoqarnerani peqataasoq tusagassiorfinnut kingorna oqarpoq, Payette nunap inoqqaavinut uummateqarluartuusoq, suleqatigilluarneqarnissaalu neriuutigineqarluartoq.
