Canada nunatsinnut atasumik sukkanerusumik interneteqalersitsiniarpoq

Canada nunap avannaani sukkanerusumik interneteqalersitsiniarluni immap naqqatigut nunatsinnut atasumik kabelitaarniarpoq.
Immap naqqatigut kabeli, 2023-mi piareertussatut naatsorsuutigineqartup, atuutilersinneqarpat Nunavummi inoqutigiit sukkanerusumik, tassa sekundimut 1 gigabytemik sukkassusilimmik, internetersinnaalissapput.
Allattoq Nutaarsiassaqartitsivik / Nyhedsredaktionen
aggustip 23-at 2019 07:24

Canada Iqalunniit nunatsinnut imaatigut kabelimut atugassaminik 151 millionit canadamiut dollarsiinik aningaasaliiniartoq, Canadap avinngarusimasortaani inuussutissarsiornikkut ineriartortitsinermut ministeriata Bernadette Jordanip tusagassiortunik katersortitsinermini oqaatigaa.

Nutaarsiassaqartitsivik CBC taama allaaserisaqarpoq.

CBC naapertorlugu kabeli, 1700 kilometerinik takitigisoq, Nuummiit Iqalunnut Iqalunniillu Qeqertaalunnut siaarsimassaaq.

AAMMA ATUARUK Tele-Post begynder reparation af søkabel - igen

Innuttaasut Canadami avannarlermi Nunavummiittut internetimut attaveqaat satellitikoortoq 15 Mbit/sekundimik sukkassusilik atorneruaat. Immallu naqqatigut kabeli, 2023-mi piareertussatut naatsorsuutigineqartoq, atuutilersinneqarpat Nunavummi inoqutigiit 3215-it sukkanerusumik, tassa sekundimut 1 gigabytemik sukkassusilimmik, internetikkut attaveqarsinnaalissapput.

Nunavummi naalakkersuisut suliniummut 30 millionit canadamiut dollarsiinik aningaasaliipput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq