Canada-miut politiivi kalaallinik nannunnianik takusassaqanngillat

Canada-miut politiivi Ellesmere-p qeqertaanut, kalaallinik unioqqutitsillutik nannuniartunik takusassaqanngillat, Qaanaami piniartoq Uusaqqak Qujaukitsoq oqarpoq. Silaannaap allanngoriartonerata kingunerisaanik Canada-p avanersuullu akornanni ikeq imarortuaannarpoq, ikaartoqarsinnaananilu. Ellesmere-p qeqertaa Canada-miunilluunniit ilisimaneqanngilaq orninneqasssananilu, ukiorpassuillu matuma siornatigut Avanersuarmiut inugguit umimmaat nunaannut piniariartarsimapput, 1953-imili Canada-miut nammineerlutik killeqarfiliornerisa kingorna inugguit Ellesmere-ip qeqertaanut piniariartarsimanngillat. Uusaqqak Qujaakitsoq radioavisimut oqarpoq.

Ippassaq radioaviiseqarnitsinni Nunatsiaq News issuaavigaarput, Canadamiut politiivi Ellesmerep qeqertaanukartinneqarsimasut, kalaallit piniartut unioqqutitsillutik nannunniarneragaasut alapernaarsoriartorlugit nakkutigiartorlugillu, tamanna pillugu Uusaqqak Qujaukitsoq ima oqarpoq:

Nakkutigisassaqanngillat tappuvunnarunik taamak oqaannaraanni ajunnginnerooq. siornatigut taajanna piniariartarfigisimavaat, ilisimasimanngilaat Canadamiut qangarujorujussuarli piniariartarfigisimavaat ukiut tamaasa taavunga nannuniariartarlutik. Qanittumi Igitamiit Canada-p tungaanut qutsissumiit takusinnaavara tamarmi imavinnavissuuvoq, ikaartoqarsinnaanngilaq Canada-p tungaanut, Uusaqqak Qujaukitsoq oqarpoq.

Qaanaami piniartoq Uusaqqak Qujaukitsoq ilanngullugu oqarpoq, Canada-miut imminnut aperisariaqaraluartut Umimmaat qeqertaat Qeqertaat Ellesmere Isiland kiap pigineraa.