Californiami orpippassuit ikuallanneranni inuit 200-nit amerlanerusut maqaasineqartut
Inuit 228-t Californiap avannarpasissuani orpippassuit sisamanngormalli ikuallanneranni maqaasineqartutut nalunaarutigineqarput. Nutaarsiassaqartitsivik AP taama allaaserisaqarpoq.
Asseq toqqorsivimmit.
Allattoq Ritzau
novembarip 12-at 2018 07:14
Nutserisoq Mads Lynge
Californiami orpippassuit ikuallanneranni ajunaarsimasutut nalunaarutigineqartut maannamut 31-upput.
Tamaani oqartussat ikuallattoqarnerani ajunaarsimasunik ujarlernertik ippassaq sapaammi annertusivaat. Sumiiffiilli ikuallaffiusut amerlasuut suli tikinneqarsinnaasimanngillat.
Californiap avannarpasissuani illut ikinnerpaamik 6700-t ikuallassimapput, Californiap oqaluttuarisaanerani ikuallattoortoqarnerani ajornerit aappaattut inissisimalluni.
Orpippassuit ikuallannerat sapaatip-akunneri tulliuttut pingasut ingerlaneranni aatsaat qaminneqarsinnaanissaat, oqartussat oqaatigaat. Nutaarsiassaqartitsivik AFP taama allaaserisaqarpoq.
