Californiami orpippassuarnik ikuallatsitsilersimasoq paasineqarpoq
Californiami orpippassuit ilaat sooq ikuallalersimanersut maanna paasineqarunarpoq, nukappiaqqammigooq ikittartunik pinnguarsimanera aallaaviugunarmat.
oktobarip 31-at 2007 07:54
Naalagaaffimmi Californiami oqartussaasut taama ilisimatitsipput.
Politiiniit nalunaarutigineqarpoq, nukappiaraq ikittartunik pinnguartilluni Los Angelesimi orpippassuarnik ikuallatsitsilersoorsimasoq – nukappiaqqap aqqa paasititsissutigineqanngilaq. Ikuallannermi angerlarsimaffiit 21-t aserorput, qatserisartullu innermik qamitsiniarnerminni iluatsitsinnginneranni nuna 15.378 hektari ikuallappoq.
