Calcunimi suli isumaqatigiinniarput

Cancunimi maanna ualiartulerpoq, COP16-imilu isumaqatigiissutissami arlalissuarnik suli amigaateqartoqarluni. Pingaarutilinnillu isumaqatigiittoqarsinnaanera neriunartoqarpallaanngilaq.

- Nunarsuatsinni allanngortitsilluinnartoqarnissaa ilimagisariaqanngilaq, EU-mi avatangiisinut kommissæri Connie Hedegaard DR-imut oqarpoq.

Ilaatigut CO2-mik mingutsitsinermut atatillugu qanoq naatsorsuisoqartarnissaa suli isumaqatigiinngissutaavoq aamma silap pissusaanut isumaqatigiissut qanoq pisussaaffiliitigissanersoq suli isumaqatigiissutigineqarani.

- Kisianni nunat CO2-mut atatillugu neriorsuutaat nunarsuup kiatsikkiartornerata 2 gradip ataaniitinnissaanut naammanngillat. Tamanna naalakkersuinikkut isummernerunani pissusiviusunut ilaavoq. Tamannalu isumaqatigiissummi ilaatinneqartariaqarpoq, taamaalilluni ukiuni tulliuttuni iliuuseqarfigineqarsinnaaniassammat, Connie Hedegaard ualimut taama oqarpoq.

Silap pissusaa pillugu ataatsimeersuarnerup COP16-ip qanoq inerneqarnera aqagu KNR-imi oqaluttuarisinnaajumaarparput.