Cairn Energyp piginneqatigiissutai qaffapput
Danskit aktienik tuniniagaanni, tunineqarnerpaat 20it akornanni tunisat agguaqtigiissillugit 0,5 procetinik appariarput, Cairn Energyp aktiatai qaffattut, aviisi sermitsiaq.ag nittartakkamini taamatut allaaserisaqarpoq.
Cairn Energy Qeqertarsuup avataani misiliilluni qillerinermini uuliamik nassaarpat qularnanngitsumik aktiatai qaffannerussapput.
Uuliasiornermik naliliisartut, frankrigimi aningaasaateqarfimmi atorfeqartut Charles Riou aamma Irene Himona aktienik pisinissamut tunuarsimaartoqannginnissaanik kajumissaaruteqarput.
Massakkut aktienik pisinissaq kaammattuutigissavarput, misiliilluni qillerinerit inerneri aggustimi septemberimilu pisussat utaqqinagit, naliliisartut oqarput.
Uuliasiortitsiviup Cairn Energyp aktiatai Londonimi aktianik tuniniiavimmi London børsenimi ukiuni kingullermi 80 procentinik qaffassimasut, aviisi Berlingske Tidenden taamatut allaaserisaqarpoq.