Bygdemekanikerit arfineq-pingasut allagartartaarput
Bygdemekanikerit arfineq-pingasut Sisimiuni pikkorissarneqareerlutik allagartartaarput.
Allattoq Louise M. Kleemann
Bygdemekanikerit ilinniarnerat nunaqarfimmiunut TELE-mullu iluaqutaavoq. Tassami siornatigut attaveqaatitigut aqqutit arlaatigut ajortikkaangata teknikerit illoqarfinniit tikinnissaat utaqqeqqaarneqartarpoq. Maanna suliassat arlalissuit bygdemekanikerit suliarisinnaavaat, Malînánguaq Marcussen-Mølgaard oqarpoq.
TELE 1996-imi bygdemekanikerinik ilinniartitsisalerpoq. Bygdemekanikeritut ilinniarnerup aallartinneraniit nunaqarfiit tamavimmik taamatut ilinniarsimasoqalerput. Taamaalilluni 1996-imiit ullumikkumut bygdemekanikerit 83-it allagartartaarsimalerput.