Buuarsikkut aamma frimærkitut
Frimærki nutaaq Buuarsikkunnik assitalik saqqummersinneqartussanngorpoq.
Allattoq Louise M. Kleemann
Silap pissusaata allanngoriartornera frimærkimi saqqummersinneqartumi quiasaarutigineqarpoq.
Robert Holmenep titartagai siulliit Nuuk Ugeavisimi 2001-mi saqqummersinneqarput. Kingorna
Buuarsikkunnik titartakkat Sermitsiami ilanngunneqartartut, ullumikkut nuannarineqarlualersimapput, taamatuttaaq atuagaaqqatut aamma saqqummersinneqareerlutik.
Frimærkip nutaap Buuarsikkunnik assitallip saqqummersinneqarnera ilutigalugu Thue Christiansenip frimærkeliaa nutaaq aamma saqqummersinneqassaaq. Frimærkimi tassani erfalasutta ukiunik 25-nngortorsiornera ersersinneqassaaq.