Butik Nathalie ujajaaffigineqarpoq
Angut savissuarmik qunusaaraluni aningaasanik 40.000 koruuninik Nuup iluaani Nuussuarmi pisiniarfimmi Butik Nathaliemi tillippoq.
![](/sites/default/files/styles/image_934x467/public/article_images/billede_015_ny_3.jpg?itok=kXlp9616)
Allattoq Noah Mølgaard
Politiit nalunaarutigaat ujajaaneq pisoq unnuaq nalunaaqutaq 00.25ip missaanni angut kiinarpalik sulisut isertarfiatigut isermat.
Taassuma sulisut savissuarmik angisuumik qunusaarlugit aningaasanik pappilissanik 40.000 koruuninik tunniussitissimavai.
Ujajaanerup paasiniaaffiginerani politiit innuttaasut ikiortiseraat.
Tillinniaq oqaatigineqarpoq kalaallisut oqaluttutut angissuseqarluni 1.80 - 1.85 meterisut naammaannanngikkuni tuattuulluni.
Kavaajarivaa The North Face tuimigut nungullarnilik nasaasalillu. Qarlii tassaapput joggingerutit qorsuit kamiillu arpaatit manissunik alullit tungujortunik singillit.
Inuit paasissutissaatillit Nuummi politiinut saaffiginneqquneqarput oqarasuaat 32 1448 atorlugu.