Bussi danskinik takornarnianik sisorariartunik issimasulik Sverigimi illoqarfiit Ängelholmip Helsingborgillu akornanni motorvejikkoortilluni unnuaq assakarpoq. Danskit 45-t Sverigimut sisorariareersimallutik Danmarkimut uterneranni bussi ilaaffigisaat ajutoorpoq. Aviisi Jyllands-Posten taama allaaserisaqarpoq.
Qallunaaqqat sisorariareerlutik angerlaraluartut aqqaneq-marluk 14-inillu akornanni ukioqartuupput. Meeqqat taakku Helsingborgimi napparsimmaviliaanneqarerput, tassani ajornartorsiutilininnut saaffiginniffimmit ikiorasuarneqarlutik.
- Ajoqusersimasut tamarmik ikiorneqareerput, qujanartumillu annertuumik ajoqusertoqanngilaq, Helsingborgimi Politiit paasissutissiisartuat, Charlie Nilsson, Jyllands-Postenimut oqarpoq.
Ajutoorneq uagut nalunaaqutarput malillugu unnuaq unnuap-qeqqata missaani pivoq.