Buship pilersaarusiaanut akerliupput
George Buship Irakimi iliuusissanik pilersaarusiaata nutaap itigartinneqarnissaanut siunnersuusiorniarlutik Demokrati nuimasoq aamma republikaneri nuimasoq isumaqatigiipput, Bush ilaatigut 21.500-nik Irakimi immikkut sakkutuuleeqqinniarpoq.
Taakku taama isumaqatigiinnerat præsidentimut assut nikanarsaataassagunarpoq.
Siunnersuusiornissamik isumaqatigiittut tassaapput senatori republikaneriusoq, John Warner, aappaa tassalluni senatori demokrateq, Carl Levin, siunnersuusiaat ataasinngorpat oqaluuserineqassaaq.
- Warnerip allannguusiaanik taasatta siunissamut assut isumallualersippaatigut. Isumaqarpunga partiinik pituttorsimanngitsunik, Warnerip isumaqatigiissusiaanut tapersersuisussanik, pissarsinissatsinnut maanna periarfissaqarnerulerluta, demokratit Senatimi amerlanerussuteqartut sinnerlugit senator Dick Durbin oqarpoq.
Irakimi iliuusissanik nutaanik præsidentip pilersaarutaa præsidentimut tatiginnikkunnaarnermik siunnersuummi siullermik annertuumik takutinneqassaaq, præsidentilu aamma eqqaaaseqqinneqassaaq nammineq republikanereqatiminit tatigineerulluinnarluni.
