Buship eqqartuussisulersuunneqarnissaa piumavaat
- Naalliutsitsisarsimalluni Bush oqaannanngilaq, taamaalioqqissinnaalluni aamma oqarpoq. Naalliutsitsisarnerup pinaveersaarneqarnissaa pillugu Naalagaaffiit Peqatigiit isumaqatigiissutaannik tamanna unioqqutitsineruvoq, uagullu pisussaavugut eqqartuussisutigut suliassanngortitsissalluta, inuttut pisinnaatitaaffiit pillugit SF-imi oqaaseqartartoq, Kamal Qureshi, aviisimut Politikenimut oqarpoq.
Isumaqatigiissummik unioqqutitsisimanini pissutigalugu George Buship Danmarkimut nunnissagaluaruni unnerluutigineqarnissaa eqqartuussisulersuunneqarnissaalu Kamal Qureship Danmarkimi naalakkersuisunut erseqqissumik nalunaarutigeqquvaa.
George W. Buship atuakkiaa eqqaamasalikkersaarut, Decisin Points, saqqummeqqammerpoq, imerlu atorlugu naalliutsitsisarnerup qanoq pitsaatiginera Buship atuakkami ilaatigut oqaluttuaraa, taamaammat eqqartuussisutigut suliassanngortitsinissamik piumasaqaat SF-ip piumasarilerpaa.
Kamal Qureship aamma piumasaraa eqqartuussisutigut suliassanngortitsiniarneq Europami tamarmi atuutissasoq, Bush Europamut qaquguluunniit tikissagaluarpat kikkulluunniit taamaalillutik eqqartuussisulersuussisinnaassammata.
USA-mi præsidentiusimasup oqaaserisimasai pillugit Danmark qanoq pissusilersussanersoq Kamal Qureship nunanut allanut ministerimut, Lene Espersenimut, ullumi nassuiaqquniarpaa.
