Bush-ip præsidentinngortussaq pingaaruteqarnerarpaa
Barack Obamap præsidentissatut qinerneqarnera Amerikami oqaluttuarisaanermut pingaaruteqaluinnartoq, USA-mi præsidentitut tunuartussanngulersup, George W. Bush-ip oqaatigaa.
Allattoq Oline I. Olsen
novembarip 08-at 2008 12:39
Republikaneriusup Buship sapaatip akunneranut ataasiarluni radiokkut oqalugiartarnermini qinersineq pillugu ima oqaaseqarpoq.
– Amerikamiut præsidentitut qinigaat Amerikamiut oqaluttuarisaaneranni tulluusimaarutissaavoq. Tassa qinersisoqarnerani naqissuserneqarpoq, suleruloorneq neriulluarnerlu kinguneqarluartartut, USA-milu suli neriuuteqartoqartoq.
Obamap sutigut tamatigut suleqatigilluinnarlugu paarlaakkumaarpara, tamannalu præsidentiuninni piffissap sinnera pingaarnerpaatissavara, George W. Bush oqarpoq. Demokrateq Barack Obama januaarip 20-ani præsidentitut ivertinneqassaaq.
