Bush ajorsarpoq
USA-p præsidentia George Bush ajorsangaatsiarpoq.
Peqqarniisaarniartartutut pasisat sakkutuut immikkut eqqartuussiviini eqqartuunneqartarniassammata, præsidentip eqqartuussivilioqqusisimanini præsidentip pisinnaatitaaffii sinnerlugit naalakkiissuteqarsimasutut Amerikami Højesteretimit pisuutinneqarpoq.
Taamatut pisuutitsineq Guantanamomi paarnaarussivimmiittorpassuarnut malunnaatilimmik kinguneqarataannaavoq.
Tigusat 450-t inatsisaatsoqarfimmiittutut oqartoqarsinnaapput. Peqquserlullutik sorsukkumatuutut taagorneqarput tamatumalu kingunerisaanik naalagaaffiit peqatigiit inuit pisinnaatitaaffii pillugit Genevemi isumaqatigiissutaat naapertorlugu sorsunnermi tigusarineqarsimasutut taaneqarsinnaanatik pillaatissineqarsinnaanatillu.
Taamaattumik immikkut sakkutuut eqqartuussiviini eqqartuuneqartarnerat maanna Amerikami Højesteretimit unioqqutitsinertut taaneqarpoq.
Eqqartuussiviup aalajangernerata kinguninngua præsident Bushi tusagassiortunik katersortitsinermini aalajangerneq akuersaarlugu nalunaaruteqarpoq.
Sakkutuut immikkut eqqartuussivii pilerseqqusimasani inerteqqutaajunnaarsinniarlugit inatsisartuni amerlanerussuteqartunit akuersissutigitinniarsarissagai ilimagineqarpoq.
