Burkat pillugit oqallinnerup inernera DF-ip naammaginngilaa
Naalakkersuisut burkat pillugit pilersaarutaat nutaanik malittarisassartaqanngillat, tassa taakkuninnga atorumanngitsut piumanngikkaluartut pinngitsaaligaanni marloriaammik pineqaatissiisarnissaq, eqqartuussivinnilu taakkua atornissaannik inerteqquteqarnissaq allanngunngillat. Naalakkersuisulli akerlianik maanna malittarisassanik piareersaallutik erseqqissaapput atisap taassuma assiaqutaaqisup assersuutigalugu soorlu atuarfinni atornissaata killilersimaarnissaanut tunngasunik. Maanna tassa naalakkersuisut qanoq isumaqarnertik erseqqissumik oqaatigaat, tassalu imaappoq arlaanik pisoqalersoq, Lars Løkke Rasmussenimi oqarmat:
- Taama erseqqitsigisumik kalerriuteqarnerput naalagaaffimmut tamarmut erniinnarluinnaq sunniuteqarpoq, naalakkersuisullu taamatut isumaqarnertik oqaatigippassuk, taava tamanna naalagaaffimmi pisortat isummiunneqartup atuutitinneqarnissaa suliassarilissavaat, maannalu kommunit nunallu immikkoortuineersut ataatsimeeqatigissavavut, neriuutigaaralu isummiussarput taakkua isumaqatigiumaaraat, taavalu kommuni nunallu immikkoortuini pisortat tamanna aallartinneqassanersoq namminneq aalajangissallugu.
Tamarmilli tamanna nuannaarutiginngilaat, soorlu Dansk Folkepartimi partiip siulittaasuata tulliata Peter Skaarupip:
- Ilungersuussisoqanngippallaaqaaq, pikkunaappallaaqaaq, Peter Skaarup DR-imut taama oqarpoq.
