Bulgariamiut umiarsuaat tiguaasut iperarpaat

Umiarsuaq Bulgariamiut uuliamik assartuutaat qaammatini sisamani tigummisaareerluni Somaliami imaatigut ujajaanianit iperarneqarpoq.
septembarip 10-at 2010 07:27

Bulgariap iperaasitsinermi aningaasanik piumasaqaateqartoqarsimasinnaanera oqaatigiumanngilaat.

Umiarsuaq iperagaasoq 15-inik inuttaqartoq, Bulgariami nunanut allanut tunngasunut ministereqarfik nalunaarpoq.

Umiarsuaq uuliamik assartuut, Panega, bulgariamiunik 15-inik inuttalik, Yemenimi illoqarfiup umiarsualiveqarfiup Adenip kangiani 100 sømilit missaanni avasitsigisumi maajip ulluisa aqqarnanni 2010 tiguarneqarpoq.

- Umiarsuaq ullaaq iperarneqarpoq. Nalunngilarput inuttat 15-iusut peqqissutsimikkut ajoquteqanngitsut, Vesela Sjerneva, Sofiami nunanut allanut tunngasunut ministereqarfimmi oqaaseqartartoq, oqarpoq.

Somaliap sineriaani umiarsuarnik tiguaasarnerit imaatigut ujajaasunit iperaasitsinermi aningaasanik piumasaqaatitigut dollarsinik millionilikkaanik iluanaarutaasarput, tamaani umiarsuarnut angalasunut sillimmasiinermi akiliutit qaffariarujussuarnerannik, kiisalu umiarsuit tamakkua ujajaaniat pinngitsoorniarlugit, sivisunerusumik akisunermillu angalasariaqartarnerannik kinguneqartarlutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq