Amerika kujallermi naalagaaffiup Argentinap illoqarfiisa pingaarnersaanni Buenos Airesimi innuttaasut tusindtillit aqqusinerni nuannallutik qittassimapput, nuannannersuarmullu pissutaasoq tassaavoq nittaallernera.
Buenos Aires kiattumiippoq, nittaalarlu tassani soorunami takornartaalluinnarluni, oqaatigineqarpoq kingullermik ukiut 89-it matuma siornagut junip 22-ianni 1918-mi Buenos Airesimi nittaassimasoq.
- Taama utoqqaatigileraluarlunga Buenos Airesimi nittaannera aatsaat misigaara, 82-inik ukiulik Juana Benitez, meerarpassuillu aqqusinermi nuannaaqataasoq oqarpoq.
Buenos Airesip kiattumiinnera pissutigalugu nittaallat nunamut tullutillu aattarsimapput, nittaallerneralu silaannaap nillertup sikuiuitsumeersup Argentinap kitaani naqitsiniisaffimmik naapitsisimaneranik pissuteqartoq silasiortut nalunaarput.