Budapestimi akerliussutsiminnik takutitsisorsuupput
Ungarnip illoqarfiisa pingaarnersaanni Budapestimi akerliussutsiminnik takutitsisut qamutinimik sorsuummik ullumi tigusarinnipput.
Qamuteq sorsuut 1956-imeersuuvoq, oqartussallu assiaqutaata tungaanut aallartinneqarsimalluni. Ungarnimi tusagassiuutit arlallit taama tusarliussipput.
Sovjetunioniusimasup Ungarnimik naqisimanninnera akerliuffiginiarlugu Ungarnimi 1956-imi pikitsitsisoqaraluarpoq, pikitsitsinianillu avissaartitsiniarnermut qamuteq sorsuut atorneqarsimalluni.
Akerliussutsiminnik takutitsisut ullumi aamma avissaartinniarneqarput, politiillu anaatserlutik avissaartitsiniaapput.
Nunat assigiinngitsorpassuit siuttuisa peqataaffigisaannik 1956-imi pisimasut ullumi eqqaaniarneqarput, Danmarkilu sinnerlugu nunanut allanut ministeri Per Stig Mølleri peqataalluni.