Bruxellesimi qaartartuunasorisaq qaartartuunngitsoq paasineqarpoq

Belgiap illoqarfiisa pingaarnersaanni Bruxellesimi pisiniarfeqarfissuit ilaanni City 2-mi qaartartuunasorisaq siumorneqarmat inuit pisiniarfeqarfissuarmiittut politiinit qimagussorneqartariaqarsimapput, angullu ataaseq politiinit aamma tigusarineqarpoq.

Qaartartuunasorisarli qaartartuunngitsoq akunnialunnguit qaangiummata nalunaarutigineqarpoq. Angut tigusarineqartoq aaqanngitsumik atukkersorsimavoq, qaartartulersukkamik atukkesorsimasoralugu tigusarineqarluni. Qaartartuunasorisarli tassa qaartartuunngitsoq paasinarsivoq. Unnerluussisussaatitaasoq franskit nutaarsiassaqartitsiviannut taama nalunaaruteqarpoq.

Belgiap ministeriunerunerata Charles Michelip Belgiami isumannaallisaaniaqatigiit qaartartuunasorisamik nalunaaruteqartoqaqqammiinnartorlu ataatsimeeqatigisimagai, Belgiami tusagassiuutit assigiinngitsut nalunaarutigaat.

Angutip pisiniarfeqarfissuup City 2-p eqqaani ullaakkut arfinermut qiteqqutilersoq pasinarsinnaasutut pissusilersornera pissutaalluni politiinit tigusarineqarpoq.

Angut taanna politiinut nammineq sianersimavoq, qaartartortalimmillu qitequteqarnini nalunaarutigisimallugu. Pisiniarfeqarsissuaq kingorna inuerutitinneqarsimavoq.