Brugsenimi niuerniat akitsuutit nutaat pillugit: Silatusaarneq - sianilliorujussuarnerluunniit
![](/sites/default/files/styles/image_934x467/public/article_images/genre-voxpop.jpg?itok=9IL4M3cN)
Silatusaarneq sianilluannginnerlu.
Nuummi Brugsenimi pisiniartut akitsuutinut nutaanut tassa mamakujuttunut, sukkulaatinut, imigassamut tupanullu akisunerulersitsisumut taama qisuariaateqarput.
Freja Kathrine Holbæk
- Nunatsinni maani peqqinnerulersitsiniarneruppat taava isumatusaarluarnerusoq isumaqarpunga. Uanga imminuinnaq assersuutigisinnaavunga, kisianni peqqinnanngitsut akisunerulerpata annikinnerusumik pisisalissaanga, ilinniartoq, Freja Kathrine Holbæk oqarpoq.
Naja Kleist Storch
Naja Kleist Storchilli tamanna isumaqataaffiginngilluinnarpaa:
- Cigarettit 20-t 4 koruunit 40 øremillu akisunerulissapput.
- Sukkut puussiaq kilomut 4 koruunit 31 øremik akisunerulissaaq.
- Sukkulaatit, mamakujuit kiilumut 5 koruunimik akitsuuserneqassapput.
- Imigassaq aamma akisunerulissaaq. Imigassallu puiaasaani literimut qanoq annertutiginersoq apeqqutaalluni akitsorneqassalluni. Immiaaraq 33 centiliteriusoq 66 øremik akisunerulissaaq.
- Ingasappallaarujussuaqaaq. Inuiaqatigiinni sanngiinnerpaat eqqugaassapput. Akitsuutit pissaqangaanngereersunut, immaqa pisiassanik akisunerulertussanik imminnut nakorsaasersortartunut, eqquissapput. Taamaammat oqarpunga: Aningaasanik allaniit aalleniaritsi – uani iliuusersi aappasippallaaqaaq, taanna oqarpoq.
Inatsisartut akitsuutit nutaat aningaasanut inatsimmi amigartooruteqarujussuarnermut matussusiisussat ippassaq tuaviortumik oqallisigivaat. Tamannali akitsuutit qaffaqqinneqarnerannut tunngavilersuutituaanngilaq: Sukkulaatit, mamakujuit, tupat imigassallu akisunerulernerat inuiaqatigiinnut aamma peqqinnerulersitsissasoq, naalakkersuisut oqaatigaat.
Akitsuusersuineq Namminersorlutik Oqartussat karsiannut ukiumut 45 millionit koruuninik iluanaarutaassaaq.
Navarana Nielsen-Beck
Navarana Nielsen-Beckilli tamanna isumatusaarnerunngissoraa:
- Inuuniarneq taama oqimaareertigisoq. Soorunalimi peqqinnaatsuugaluarput kisianni aamma pinngitsoorsinnaajunnaareernikuuavut tamakkua, kisianni inorsissavaatigut tassuuna taama misiginarpoq.
Peqqinnerulersitsiniarnermik siunertaqarnera arlaatigut isumaqataaffiginngiliuk?
- Nammineerlunga pujortartartuunngilanga, tassuuna maluginavianngilara. Kisianni peqqinnerulerniarneq aap, kisianni uanga nammineerlunga sukkoqanngippallaamik nerileraangama timima pisariaqartittarpaa, suliaritinnikuuneq peqqutaalluni, sukkoq aamma pisariaqartarpoq inuup kialluunniit pisariaqartippaa, puiortunngortut pillugit ataqatigiissaarisoq, Navarana Nielsen Beck oqarpoq.
![](/sites/default/files/styles/image_934x467/public/lars-voxpop.jpg?itok=mR36wdDn)
Lars Ezekiassen
Lars Ezekiassenillu akitsuutit nutaat aamma isumaqataaffiginngilluinnarpai. Taassuma politikerit kamaappai.
- Politikerit neriorsuutigisartagaat qineqqusaarutigisartagaat. Tassuuna tulliani qinersinissamut eqqarsarluartariaqarpunga. Qanoq taava oqaluttoq upperitigissanerlugu? Tassami massakkut imaappoq oqaatigisaat massakkut atorsinnaanngilakka qinersisartutut, Lars Ezekiassen oqarpoq.
Peqqinnerulersitsiniarnermi pillugu peqqinnanngitsunut akitsuusiisoqarneranut tunngaviliinera qanoq isumaqarfigaajuk?
- Soorunami peqqinnerulernissarput kikkut tamarmik immaqa qinertarpaat, kisianni aamma qulaaninngaanniit aqunneqartutut taanna uanga akuerisinnaannginnakku, nammineq inuttut ujartorsinnaavara peqqinnerulerniassaguma, nammineq suliffeqarfiutilik, Lars Ezekiassen oqarpoq.
![](/sites/default/files/styles/image_934x467/public/line-voxpop.jpg?itok=LMK5bec-)
Line Poulsen
Aamma Line Poulsenip ernisussiortutut sulisup politikerit eqqarsarluarsimanngissorai.
- Innuttaasunut peqqinnerulersitsiniartoqarnera paasisinnaavara, kisianni taama iliuuseqarnissaq eqqortumik aqqutissaanngissoraara. Arlaatigut juulleriartorneranut inatsisit saneqqullugit tuniniaasoqalernissaa ilimagivara. Politikerit imminnut naalliinnassapput, Line Poulsen oqarpoq.