Brugsenip majsit listeriamik akoqarsinnaammata peerai
Majsit qerisut Ungarnemi tunisassiorfinni assigiinngitsuni marlunni tunisassiarineqartut, toqunartumik
listeriaqarnerat pissutigalugu Europami sumiiffinni arlalinni napparsimassutigineqarpoq.
Allattoq Jonas Fievé
Nutserisoq Jaaku Lyberth
Inuit 47-it napparsimalersimapput qulingiluallu toqusimallutik.
Taama pisoqarnera pissutigalugu, pisiniarfissuup arlalinnik immikkoortortaqarfeqartup Coopip majsit tunisassiani " Ekstra søde majs" pisiniarfiinit peerneqarput.
Kalaallit Nunaanni Brugseni KNR-imut ilisimatitsissuteqarpoq, majsit pineqartut, pisiniarfimmi pisiarineqartut uterteqqullugit imaluunniit igeqqullugit.